شهدادڪوٽ: اي سيڪشن پوليس جي ڪارروائي، عورت گرفتار، 60 پيڪٽ گٽڪا سپاري هٿ

شهدادڪوٽ پوليس ڪارروائي دوران هڪ عورت کي گرفتار ڪري 60 پيڪٽ گٽڪا سپاري هٿ ڪرڻ جي دعويٰ ڪئي آهي. قبو سعيد خان اسٽاپ وٽ اي سيڪشن پوليس ڪارروائي ڪئي. پوليس جهڙتي دوران ڪزبانو زال خير محمد مگسي کي گرفتار ڪري ورتو. پوليس جو چوڻ آهي ته گرفتار عورت وٽان   60 پيڪٽ گٽڪا سپاري هٿ ڪري ورتي آهي. پوليس موجب، ڪزبانو مگسي مختلف شهرن ۾ گٽڪا سوپاري سمگلنگ ڪندي رهي ٿي. پوليس جو چوڻ آهي ته ڪزبانو مگسي خلاف اي سيڪشن ٿاڻي تي ڪيس داخل ڪري جاچ شروع ڪئي وئي آهي.