شيخوپورا ۾ مسافر ٽرين ۽ مال گاڏي ۾ ٽڪر جي نتيجي ۾ 20 مسافر زخمي ٿي پيا

شيخوپورا ۾ مسافر ٽرين ۽ مال گاڏي ۾ ٽڪر جي نتيجي ۾ 20 مسافر زخمي ٿي پيا جن کي اسپتال منتقل ڪيو ويو آهي، ريلوي اختيارين جو چوڻ آهي ته واقعي واري هنڌ ريسڪيو جو ڪم شروع ڪيو ويو آهي ۽ واقعي جي جاچ به ڪئي پئي وڃي.

شيخوپورا جي علائقي فيروز والا تعلقي  قلعه ستار شاهه اسٽيشن ويجهو ميانوالي کان لاهور ويندڙ مسافر ٽرين پٽڙيءَ تي بيٺل مال گاڏي سان ٽڪرائجي وئي.

حادثي جي نتيجي ۾ عورتن ۽ ٻارڙن سميت 20 مسافر زخمي ٿي پيا.

اطلاع ملڻ بعد پوليس ۽ امدادي ٽيمن واقعي واري هنڌ پهچي زخمين کي اسپتال منتقل ڪيو.

ريلوي اختيارين جو چوڻ آهي ته واقعي واري هنڌ ريسڪيو جو ڪم شروع ڪيو ويو آهي ۽ واقعي جي جاچ به ڪئي پئي وڃي……..