فلسطين ۾ ڪمزور ۽ طاقتور ۾ جنگ آهي، اسرائيل ظلم ڪري انسانيت جي تذليل ڪري رهيو آهي: راجا پرويز اشرف

پ پ اڳواڻ ۽ اڳوڻي وزيراعظم راجا پرويز اشرف چيو آهي ته فلسطين ۾ ڪمزور ۽ طاقتور ۾ جنگ آهي، اسرائيل ظلم ڪري انسانيت جي تذليل ڪري رهيو آهي. قومي اسيمبلي ۾ خيالن جو اظهار ڪندي راجا پرويز اشرف چيو ته حماس اڳواڻ اسماعيل هانيه جي شهادت واقعي جو مثال دنيا ۾ ڪٿي به نه ٿو ملي؟ ان واقعي جي جيتري به مذمت ڪجي اها گهٽ آهي. هن چيو ته اسرائيل ۽ سندس ساٿاري تمام گهڻا طاقتور آهن، جڏهن ته مسلم امت ڪمزور آهي، اسرائيل غزا ۾ اسڪولن تي بمباري ڪري معصوم ٻارن کي به شهيد ڪري رهيو آهي. راجا پرويز اشرف چيو ته اسين فلسطينين جي مدد ڇو نه ٿا ڪريون؟ اسين ڇو ٿا ڊڄون؟ ان جو هڪڙو ئي ڪارڻ آهي ته اسين ورهايل آهيون، ملڪي معاملا به مونجهاري جي ور چاڙهي ڇڏيندا آهيون…