پيرس اولمپڪس ۾ گولڊ ميڊل حاصل ڪندڙ قومي هيرو ارشد نديم چيو آهي ته قوم جي محبت ڏسي کيس خوشيءَ ۾ ننڊ نه اچي رهي آهي، گوڏي جي سرجري کانپوءِ ٻه ڀيرا زخمي ٿيڻ باوجود ڪوچ ۽ فزيو حوصلو ڏنو، هو ۽ نيرج چوپڙا تمام گهڻا سٺا دوست آهن پر ميدان ۾ هر ڪو پنهنجي ملڪ لاءِ ڪوشش ڪندو آهي.
خانگي ٽي وي سان ڳالهائيندي ارشد نديم چيو ته ٽوڪيو اولمپڪس بعد پيرس اولمپڪس لاءِ تمام گهڻي محنت ڪئي هئي، 2016ع ۾ پهريون انٽرنيشنل ايونٽ کيڏيو، 8 آگسٽ تي محنت جو ثمر مليو.
سندس چوڻ هو ته سندس ڪوچ سلمان بٽ تمام گهڻو ساٿ ڏنو، هن کيس همت هارڻ نه ڏني، فيلڊنگ تمام سٺي هئي، ٽريننگ دوران سخت محنت ڪئي ۽ قوم جون ايتريون دعائون هيون، جنهن سبب اميد هئي ته هو هن ڀيري گولڊ ميڊل کٽڻ ۾ ڪامياب ٿيندو.
پيرس اولمپڪس ۾ گولڊ ميڊل حاصل ڪندڙ قومي هيرو ارشد نديم چيو ته 2022ع ۾ ڪامن ويلٿ مقابلن ۾ 90 ميٽر جو رڪارڊ ٽوڙيو هو، سندس ڪوشش هوندي آهي ته بهتر کان بهتر پرفارم ڪريان، پهرين ٿرو ۾ رنراپ خراب ٿيو ۽ ٻيهر ٿرو ۾ محنت ڪئي ۽ الله جي ڪرم سان رڪارڊ ٿرو ڪيو.
هن چيو ته جڏهن ٻيو ٿرو 92 ڏهائي 97 ميٽر ڪيو ته ان وقت 90 سيڪڙو يقين ٿي ويو هو گولڊ ميڊل سندس ٿيندو، پر مقابلي ۾ ورلڊ چيمپئن شريڪ هو ان لاءِ آخر تائين محنت جاري رکي ۽ محنت جو ڦل مليو.
پيرس اولمپڪس ۾ گولڊ ميڊل حاصل ڪندڙ قومي هيرو ارشد نديم چيو ته قوم جي محبت ڏسي کيس خوشيءَ ۾ ننڊ نه اچي رهي آهي، گوڏي جي سرجري کانپوءِ ٻه ڀيرا زخمي ٿيڻ باوجود ڪوچ ۽ فزيو حوصلو ڏنو، هو ۽ نيرج چوپڙا تمام گهڻا سٺا دوست آهن پر ميدان ۾ هر ڪو پنهنجي ملڪ لاءِ ڪوشش ڪندو آهي.
