لاهور ۾ طوفاني برسات سبب نظام مفلوج ٿي ويو

لاهور ۾ طوفاني برسات سبب نظام مفلوج ٿي ويو، روڊ رستا ندي نالن جو ڏيک ڏيڻ لڳا، جنهن جي ڪار وهنوار ٺپ ٿي ويو.

پنجاب جي گاديءَ واري شهر لاهور ۾ ست ڪلاڪ تيز برسات پئي، جنهن ڪري مختلف علائقن ۾ گوڏي جيڏو پاڻي بيهجي ويو.

موسميات کاتي موجب شهر ۾ ساڍن ستن ڪلاڪن ۾ 315 ملي ميٽر برسات رڪارڊ ڪئي وئي، شهر جي هڪ درزن کان وڌيڪ علائقن ۾ هڪ سئو ملي ميٽر کان وڌيڪ برسات رڪارڊ ڪئي وئي.

رپورٽ موجب سڀ کان وڌيڪ برسات تاجپوره ۾ 315 ملي ميٽر رڪارڊ ڪئي، لڪشمي چوڪ تي 170، مغل پورا ۾ 145 ۽ گلش راوي تي 151 ملي ميٽر برسات رڪارڊ ڪئي وئي.

موسميات کاتي موجب چوڪ ناخدا تي 155، اقبال ٽائون ۾ 152، قربطه چوڪ تي 152، سمن آباد 153، ايئرپورٽ تي 86، اپرمال تي 130، گلبرگ  تي 41، نشتر ٽائون تي 162، جيل روڊ تي 69 ۽ فرخ آباد ۾ 140 ملي ميٽر برسات پئي آهي.

انتظاميا موجب لاهور جي علائقي ڊيوس روڊ، چائنا چوڪ، ڪينال روڊ، ڳڙهي شاهو، علامه اقبال روڊ، ۽ ٻين علائقن ۾ برسات جو سلسلو وقفي وقفي سان جاري آهي