لاڙڪاڻي ۾ مڙس جي مبينا زيادتين خلاف عورت پنهنجي امڙ سان گڏجي احتجاجي مظاهرو ڪيو .
الهه آباد پاڙي جي رهواسڻ عورت صنم گلال پنهنجي امڙ ارشاد خاتون سان گڏجي پريس ڪلب آڏو احتجاج ڪيو.
احتجاج ڪندڙ عورت 5 سال اڳ سندس شادي گلشن گلال سان ٿي هئي، جنهن مان کيس ٻن نياڻين جو اولاد آهي.
هن چيو ته پٽ جو اولاد نه ٿيڻ سبب مڙس ساڻس نفرت ۽ کيس تشدد جو نشانو بڻائيندو هو ، جنهن ڪري هن مڙس جو گهر ڇڏي والدين جي گهر ۾ رهائش اختيار ڪئي.
عورت الزام لڳايو ته گهر ڇڏڻ تي مڙس ڪاوڙجي سندس والد کي زخمي ڪري فرار ٿي ويو آهي.
هن اعليٰ اختيارين کان مطالبو ڪيو ته سندس والد کي زخمي ڪندڙ جوابدار کي گرفتار ڪري کين تحفظ فراهم ڪيو وڃي.
