لاڙڪاڻي ۾ ڪرنٽ لڳڻ سبب 20ورهين جو پورهيت نوجوان فوت ٿي ويو .
ڪنگا ٿاڻي جي حد نور ڪالوني ۾ جڳهه جي مزدوري دوران پاڻي واري موٽر مان بجليءَ جو ڪرنٽ لڳڻ سبب نوجوان پورهيت نصير پٽ نظير چانڊيو بيهوش ٿي ويو.
نوجوان کي علائقي واسين بيهوشي جي حالت ۾ چانڊڪا اسپتال جي ايمرجنسي وارڊ منتقل ڪيو جتي ڊاڪٽرن سندس فوت ٿيڻ جي تصديق ڪئي.
ان موقعي تي فوتي نوجوان جي وارثن ٻڌايو ته نوجوان پاڙي ۾ جڳهه جي مزدوري لاءِ ويو هو، پاڻي واري موٽر مان کيس ڪرنٽ لڳو.
ٻڌايو پيو وڃي ته نوجوان نصير چانڊيو اصل سجاول جوڻيجو جو رهواسي هو جيڪو گهر ڀاتين سان گڏجي نور ڪالوني مسواڙ جي جڳهه ۾ رهندو هو، جڏهن ته لاش گهر پهچڻ تي ڪهرام مچي ويو …….
