شهداد ڪوٽ ۾ ڳاٽي ٽوڙ مهانگائي خلاف ايس يو پي جي سڏ تي الهداد خش، سڪندر، شعيب ۽ ٻين جي اڳواڻي ۾ شاهي بازار کان احتجاجي ريلي ڪڍي پريس ڪلب آڏو ڌرڻو هنيو ويو.
اڏيرو لال ۾ ملڪ ۾ وڌندڙ مهانگائي، بدامن ۽ ڪرپشن خلاف سول سوسائٽي پاران احتجاجي مظاهرو ڪيو ويو.
سول سوسائٽي پاران اڪبر علي ۽ ٻين جي اڳواڻي ۾ حيدرآباد-ٽنڊو آدم روڊ تي احتجاجي مظاهرو ڪري ڌرڻو هنيو ويو.
ڄام صاحب ۾ به مهانگائي خلاف قومي عوامي تحريڪ جي سڏ تي ابراهيم بگٽي، مير محمد منگي ۽ ٻين جي اڳواڻي ۾ پريس ڪلب آڏو احتجاجي مظاهرو ڪيو ويو.
اڳواڻن جو چوڻ آهي ته حڪمرانن جي ڪرپشن جي ڪري ۾ ملڪ ۾ مهانگائي چوٽ چڙهيل آهي، ماڻهن ٻن ويلن جي ماني لاءِ به پريشان آهن.
مظاهرين چيو ته مهانگائي وڌڻ سبب ملڪ ۾ بدامني وڌي وئي آهي، ڪو به شهري محفوظ ناهي رهيو.
هنن مطالبو ڪيو ته مهانگائي تي ضابطو آڻي امن بحال ڪرايو وڃِي.
