ملڪ جي اعليٰ ترين عدالت آئين بدران سياسي فيصلو ڏنو آهي: خواجه آصف

بچاءِ واري وزير خواجه آصف چيو آهي ته ملڪ جي اعليٰ ترين عدالت آئين بدران سياسي فيصلو ڏنو آهي. سماجي رابطن واري ويب سائٽ ايڪس تي جاري ڪيل بيان ۾ خواجه آصف چيو ته جيڪو سائل نه هو، جنهن رليف نه گهريو، جيڪو ڌر به نه هو ان کي رليف ڏنو ويو. هن چيو ته آئين ۽ انصاف جي گهرجن جي جاءِ تي سياسي گهرجن کي اهميت ڏني وئي، آئين ۽ قانون جي تشريح بدران آئين ٺاهڻ جو فرض سنڀاليو ويو آهي. خواجه آصف چيو ته انصاف ڏيڻ لاءِ عدل جي جنگ وڙهي ويندي ته هو عدليا جي تعريف ڪندا ۽ کيس سلام پيش ڪندا.