- Advertisement -
ميانمار ۾ زلزلي سبب فوت ٿيل ماڻهن جو انگ وڌي هڪ هزار 2 ٿي ويو، جڏهن ته 2 هزار 376 ماڻهو زخمي ٿي پيا آهن ۽ فوتگين جو انگ مسلسل وڌي رهيو آهي.
جمعي ڏينهن ميانمار ۾ آيل 7 ڏهائي 7 شدت جي زلزلي جي لوڏن سبب تباهه ٿيل عمارتن، گهرن ۽ ٻين مٽيءَ جي ڍيرن هيٺيان دٻجي فوت ٿين جو انگ وڌي هڪ هزار 2 ٿي ويو جڏهن ته زخمين جو 2 هزار 376 تائين پهچي ويو.
امدادي ٽيمون مٽيءَ جي ڍيرن هيٺيان ماڻهن کي ڪڍڻ ۾ رڌل آهن، جڏهن ته زخمين جي اسپتال منتقلي جو عمل به جاري آهي.
ميانمار جي شهر منڊالي ۾ سڀ کان وڌيڪ 694 ماڻهو فوت ٿيا ۽ ڪيترين ئي عمارتن ۽ پلن کي به نقصان پهتو.
ميانمار جي فوجي حڪومت ڇهن علائقن ۾ ايمرجنسي لاڳو ڪندي عالمي برادري ۽ تنظيمن کي مدد جي درخواست ڪئي آهي.
بنڪاڪ ۾ زير تعمير عمارت ڪرڻ سبب 81 ڄڻا دٻجي ويا، جنهن سبب 9 ماڻهو فوت ٿي ويا آهن.
جمعي ڏينهن ٿائيلينڊ ۽ ميانمار ۾ 7 ڏهائي 7 شدت جو زلزلو آيو هو………- Advertisement -
