نوابشاهه جي مختلف شهرن ۾ ايس ٽي پي اڳواڻ جي نثار ڪيريو جي ڀاءُ کي هاف فراءِ ڪرڻ خلاف شٽر بند هڙتال ڪري احتجاجي مظاهرا ڪري ڌرڻا هنيا ويا.
نوابشاهه ۾ ايس ٽي پي اڳواڻ جي ڀاءُ سلمان ڪيريو کي پوليس پاران هاف فراءِ ڪرڻ خلاف شٽر بند هڙتا ڪري ڌرڻو هنيو ويو.
نوابشاهه ۾ پوليس ۽ ايس ٽي پي ڪارڪنن وچ ۾ چڪرين دوران لٺبازي سبب ڪيترائي ڪارڪن زخمي ٿي پيا.
قاضي احمد ۾ ايس ٽي پي جي مرڪزي سڏ تي شهر ۾ شٽر بند هڙتال ڪري ڪارڪنن طرفان احتجاجي مظاهرو ڪيو ويو.
سڪرنڊ ۾ ايس ٽي پي اڳواڻ جي ڀاءُ کي پوليس پاران هاف فراءِ ڪرڻ خلاف مڪمل طور شٽربند هڙتال ڪير احتجاجي مظاهرو ڪيو ويو.
دوڙ ۾ به سنڌ ترقي پسند پارٽي جي سڏ تي مڪمل طور شٽر بند هڙتال ڪري ڪارڪنن طرفان ظفر بروهي، علي بخش لغاري، امداد ڏاهري، امين چانڊيو ۽ ٻين جي اڳواڻي ۾ احتجاجي مظاهرو ڪري ڌرڻو هنيو ويو.
ٻانڌي ۾ ايس ٽي پي اڳواڻ جي ڀاءُ سلمان ڪيريو کي هاف فراءِ ڪرڻ خلاف مڪمل طور شٽر بند هڙتا ڪئي وئي .
نواب ولي محمد ۾ ايس ٽي پي اڳواڻ جي ڀاءُ کي هاف فراءِ ڪرڻ خلاف ڪارڪنن طرفان زاهد چانڊيو، امين ڪليار، خادم حسين سنگراهه، علي بلوچ ۽ ٻين جي اڳواڻي ۾ احتجاجي مظاهرو ڪري شٽر بند هڙتال ڪئي وئي.
اڳواڻن جو چوڻ آهي ته پر امن احتجاج تي لٺبازي ڪري بدترين تشدد ڪيو ويو آهي، پوليس اسان جي 25 ڪارڪنن کي گرفتار ڪري گم ڪري ڇڏيو آهي.
مظاهرين چيو ته ، پوليس بنا جواز ايس ٽي پي اڳواڻ جي ڀاءُ کي هاف فراءِ ڪيو آهي.
هنن مطالبو ڪيو ته ايس ٽي پي اڳواڻ نثار ڪيريو جي ڀاءُ کي هاف فراءِ ڪندڙ پوليس اهلڪارن خلاف ڪارروائي ڪئي وڃي، ٻي صورت ۾ احتجاج جاري رهندو.
