ايس يو پي ڪارڪنن شاهنواز خاصخيلي، محبوب رند، دلدار ڀنڀرو ۽ ٻين جي اڳواڻي ۾ اسپتال آڏو مظاهرو ڪيو.
احتجاج ڪندڙن جو چوڻ هو ته اسپتال ۾ مقرر ڊاڪٽر ۽ ٻيو عملو غريب مريضن لاءِ بي لاڀ بڻيل آهي.
اڳواڻن چيو ته ليڊي ڊاڪٽر غريب مريضن کي چڪاس ڪري دوائون ڏيڻ بدران کين ڌڙڪا ڏئي اسپتال ۾ ٻاهر ڪڍي ڇڏي ٿي.
هنن اعليٰ اختيارين کان مطالبو ڪيو ته ڊاڪٽرن جي مريضن سان خراب رويي جو نوٽيس وٺي سندن خلاف ڪارروائي ڪئي وڃي، ٻي صورت ۾ احتجاج جو دائرو وڌايو ويندو.
