نواب ولي محمد بيسڪ هيلٿ يونٽ ۾ ڊاڪٽرن جي مبينا خراب روئي خلاف ايس يو پي ڪارڪنن پاران احتجاجي مظاهرو

ايس يو پي ڪارڪنن شاهنواز خاصخيلي، محبوب رند، دلدار ڀنڀرو ۽ ٻين جي اڳواڻي ۾ اسپتال آڏو مظاهرو ڪيو.

احتجاج ڪندڙن جو چوڻ هو ته اسپتال ۾ مقرر ڊاڪٽر ۽ ٻيو عملو غريب مريضن لاءِ بي لاڀ بڻيل آهي.

اڳواڻن چيو ته ليڊي ڊاڪٽر غريب مريضن کي چڪاس ڪري دوائون ڏيڻ بدران کين ڌڙڪا ڏئي اسپتال ۾ ٻاهر ڪڍي ڇڏي ٿي.

هنن اعليٰ اختيارين کان مطالبو ڪيو ته ڊاڪٽرن جي مريضن سان خراب رويي جو نوٽيس وٺي سندن خلاف ڪارروائي ڪئي وڃي، ٻي صورت ۾ احتجاج جو دائرو وڌايو ويندو.