نوشهرا ۾ پشتو ڊرامن جي اداڪارا خوشبو کي قتل

نوشهرا ۾ پشتو ڊرامن جي اداڪارا خوشبو کي قتل ڪيو ويو. ضلعي پوليس آفيسر اظهر خان موجب پوليس کي اطلاع مليو ته خوش مقام واري علائقي ۾ هڪ مڙهه ٻنيءَ مان مليو آهي، جنهن جي سڃاڻپ اداڪارا خوشبو نالي ٿي آهي. مقتول اداڪارا جي ڀاءُ شهريار پوليس کي ٻڌايو ته خوشبو کي جوابدار موسيقي جي محفل ۾ رقص ڪرڻ کان منع ڪندا هئا، انڪار ڪرڻ تي مبينا طور کيس فائرنگ ڪري قتل ڪيو ويو  ۽ مڙهه ٻنيءَ ۾ اڇلايو ويو. پوليس موجب اداڪارا جو مڙهه  اسپتال منتقل ڪيو ويو، جتان پوسٽ مارٽم بعد وارثن حوالي ڪيو ويو. واقعي جو ڪيس مقتول اداڪارا جي ڀاءُ شهريار جي فرياد تي ٻن ڄڻن خلاف داخل ڪيو ويو آهي