ناڻي واري نگران وفاقي وزير شمشاد اختر چيو آهي ته نگران حڪومت گھٻرايو ناهي، مهانگائي تي ضابطو آندو پيو وڃي، حڪومتي قدمن سبب معيشيت بحال ٿي رهي آهي، زراعت جي شعبي تي ڌيان ڏئي ملڪي معيشيت جي مسئلن کي حل ڪري سگهجي ٿو.
ڪراچي ۾ ميڊيا سان ڳالهائيندي شمشاد اختر چيو ته نگران حڪومت کي ٽي مهينا ٿيا آهن، حڪومتي قدم سان بهتري اچي رهي آهي، مهانگائي ختم نه پر گهٽ ٿي آهي.
هن چيو ته معيشت جي بحالي سولو ڪم ناهي، معاشي مسئلن جو حل پهرين ترجيح آهي، يوڪرين، روس جنگ سبب دنيا مسئلن جي منهن ڏئي رهي آهي.
ناڻي واري نگران وفاقي وزير چيو ته نگران حڪومت آئي ته معيشت ڏکيائين جو شڪار هئي، بحرانن باوجود هو ڪوششون ڪري رهيا آهن.
شمشاد اختر چيو ته حڪومتي قدمن سبب معيشيت بحال ٿي رهي آهي، زراعت جي شعبي تي ڌيان ڏئي ملڪي معيشيت جي مسئلن کي حل ڪري سگهجي ٿو……
