هندستاني وزيراعظم نريندر مودي کيس خاطري آهي ته هو روس کان تيل نه خريد ڪندو : ڊونلڊ ٽرمپ

آمريڪي صدر ڊونلڊ ٽرمپ چيو آهي ته هندستاني وزيراعظم نريندر مودي کيس خاطري آهي ته هو روس کان تيل نه خريد ڪندو. اوول آفيس ۾ ميڊيا سان ڳالهائيندي ڊونلڊ ٽرمپ چيو ته هو خوش نه هو ته هندستان روس کان تيل خريد ڪري، پر هاڻي معاملو حل ٿي ويو آهي. هن وڌيڪ چيو ته چين سان واپاري جنگ هلي رهي آهي، هو چاهي ٿو ته حماس کان هٿيار ڦٽا ڪرايا وڃن، آمريڪي فوج کي حماس کان هٿيار ڦٽا ڪرائڻ جي ضرورت نه پوي. آمريڪي صدر جو چوڻ هو ته هو يوڪرين جي جنگ کي ختم ڪرڻ جي به ڪوشش ڪري رهيو آهي، هيل تائين 8 جنگيون روڪي چڪو آهي. ڊونلڊ ٽرمپ جو وڌيڪ چوڻ هو ته وزيراعظم شهباز شريف کيس ٻڌايو ته توهان لکين جانيون بچايون آهن، ڀارت ۽ پاڪستان ايٽمي جنگ جي تمام ويجهو هئا، ڀارت -پاڪستان جنگ ۾ 7 جهاز ڪيرايا ويا.