حڪومت هڪ ڀيرو وري پيپلزپارٽي کي وفاقي ڪابينا ۾ شامل ٿيڻ جي دعوت ڏني آهي.
پ پ چيئرمين بلاول ڀٽو زرداري ۽ نائب وزيراعظم اسحاق ڊار وچ ۾ اهم ملاقات ٿي آهي.
ايوان صدر ۾ ٿيل ملاقات ۾ وفاقي گهرو وزير محسن نقوي به شريڪ هو، نائب وزيراعظم اسحاق ڊار، بلاول ڀٽو زرداريءَ کي وزيراعظم شهبازشريف جو پيغام ڏنو.
ذريعن موجب وزيراعظم جي پيغام ۾ پ پ کي وفاقي ڪابينا ۾ شامل ٿيڻ جي دعوت پڻ ڏني وئي، پر پ پ انڪار ڪيو.
ملاقات ۾ بلاول ڀٽو زرداريءَ اسحاق ڊار آڏو پنهنجا خدشا رکيا، جڏهن ته پنجاب ۾ حڪومت ٺاهڻ واري لکت ۾ ٿيل معاهدي تي به ڳالهيون ڪيون ويون.
ذريعن موجب بلاول ڀٽو زرداريءَ چيو ته حڪومتي فيصلن ۾ پ پ سان صلاح مشورا نه ڪرڻ تي پارٽي اڳواڻن جو دٻاءُ آهي.
