وزيراعظم شهباز شريف اڄ هڪ ڏينهن جي دوري تي ڪراچي پهچي رهيو آهي

وزيراعظم شهباز شريف اڄ هڪ ڏينهن جي دوري تي ڪراچي پهچي رهيو آهي. ناڻي وارو وزير محمد اورنگزيب ۽ ٻيا وفاقي وزير وزيراعظم سان گڏ هوندا. وزيراعظم شهباز شريف ڪراچي جي دوري دوران سنڌ جي گورنر ڪامران ٽسوري ۽ وڏي وزير مراد علي شاهه سان ملندو. وزيراعظم شهباز شريف اسٽاڪ ايڪسچينج به ويندو جتي روايتي گھنٽي وڄائي ڪاروبار جي شروعات ڪندو. ذريعن موجب وزيراعظم شهباز شريف ڪراچي جي اهم ڪاروباري شخصيتن سان به ملاقات ڪندو. ان کانپوءِ علاوه اتحادي جماعت ايم ڪيو ايم جي اڳواڻن ۽ ن ليگ سنڌ جي قيادت سان به ملاقات جو امڪان آهي.