- Advertisement -
وزيراعظم شهباز شريف سعودي ولي عهد ۽ وزيراعظم محمد بن سلمان السعود سان اهم ملاقات ڪئي.
ملاقات دوران ٻنهي اڳواڻن مڪي ۾ گذريل ملاقات ۾ ٿيل اڳڀرائي تي اطمينان جو اظهار ڪيو ۽ مختلف شعبن ۾ سهڪار وڌائڻ تي اتفاق ڪيو.
وزيراعظم محمد بن سلمان سان ملاقات ۾ وفاقي وزيرن محمد اورنگزيب، مصدق ملڪ، اويس لغاري، عطا تارڙ به شريڪ هئا.
وزيراعظم شهباز شريف سعودي پرڏيهي وزير جي سربراهي ۾ اعليٰ سطحي وفد پاڪستان موڪلڻ ۽ سرمائيداري سيڙپڪاري جي حوالي سان وڌيڪ وفد پاڪستان موڪلڻ تي سعودي ولي عهد جا ٿورا مڃيا.
وزيراعظم سعودي عرب جي دوري دوران شاندار مهمان نوازي ۽ سعودي وزيرن پاران پاڪستان ۾ سعودي سيڙپڪاري بابت جامع پروگرام ترتيب ڏيڻ تي ولي عهد جا ٿورا مڃيا.
ملاقات ۾ غزه جي صورتحال تي به خيالن جي ڏي وٺ ڪئي وئي، وزيراعظم سعودي ولي عهد کي هڪ ڀيرو ٻيهر پاڪستان جي دوري جي دعوت ڏني.- Advertisement -
