پاڪستان پاران ايراني سفارتخاني تي حملي جي سخت لفظن ۾ مذمت

پاڪستان، شام جي راڄڌاني دمشق ۾ ايراني سفارتخاني جي قونصلر سيڪشن تي اسرائيلي حملي جي سخت مذمت ڪئي آهي. پرڏيهي آفيس جـِي ترجمان چيو آهي ته ويانا ڪنوينشن تحت سفارتڪارن ۽ سفارتي سهولتن خلاف حملا غيرقانوني آهن، سلامتي ڪائونسل کي گهرجي ته اسرائيل کي خطي ۾ مهم جوئي ۽ پاڙيسرين تي حملا ڪرڻ کان روڪن. پرڏيهي آفيس موجب اسرائيلي فوج جو غير ذميواراڻو عمل خطي ۾ ڇڪتاڻ ۾ اضافو جو سبب بڻجندو. پرڏيهي آفيس جي ترجمان وڌيڪ چيو ته اسرائيلي حملو شام جي خودمختياري جي ڀڃڪڙي آهي، حملو عالمي قانونن ۽ گڏيل قومن جي چارٽر جي به ڀڃڪڙي آهي.