ڪراچي جي ميئر مرتضيٰ وهاب چيو آهي ته پيپلز پارٽي واعدا پورا ڪرڻ تي عمل ڪري رهي آهي، عوامي مسئلن جي حل لاءِ واضح رٿا بندي ڪئي، اختيارن بابت روئڻ ۽ پٽڻ بدران منصوبن تي مڪمل ڪيو پيو وڃي، ايندڙ 60 ڏينهن اندر وڌيڪ ڪيترن ئي منصوبن کي مڪمل ڪيو ويندو.
ڪراچي جي ميئر مرتضيٰ وهاب گلستان جوهر انڊر پاس جو افتتاح ڪري ڇڏيو.
ان موقعي تي ميڊيا سان ڳالهائيندي مرتضيٰ وهاب چيو ته پيپلز پارٽي هميشه خدمت ۾ سڀني کان اڳتي رهي، پيپلز پارٽي واعدا پورا ڪرڻ تي عمل ڪري رهي آهي.
سندس چوڻ هو ته ضيا محي الدين فلاءِ اوور جو پ پ چيئرمين بلاول ڀٽو زرداري افتتاح ڪيو هو، اڄ هتي هڪ ڏهائي هڪ ڪلو ميٽر ڊگهي انڊر پاس جو افتتاح ڪيو ويو، ڪي اليڪٽرڪ جي ٿنڀن جو ڪم جلد مڪمل ڪيو ويندو.
ڪراچيءَ جي ميئر مرتضيٰ وهاب چيو ته ايندڙ 60 ڏينهن اندر وڌيڪ ڪيترن ئي منصوبن کي مڪمل ڪيو ويندو، پيپلز پارٽي خدمت جي سياست تي يقين رکي ٿي.
هن چيو ته هو شهرين جي مسئلن جي حل ۾ دلچسپي وٺي رهيا آهن، رڳو ربن ناهن ڪاٽيندا ڪم ڪرڻ تي يقين رکن ٿا. ڪراچيءَ جي ميئر مرتضيٰ وهاب چيو ته پيپلز پارٽي بنا فرق جي عوامي خدمت تي يقين رکي ٿي، عوامي مسئلن جي حل لاءِ واضح رٿا بندي ڪئي، اختيارن بابت روئڻ ۽ پٽڻ بدران منصوبن تي مڪمل ڪيو پيو وڃي.
