چئن ڏينهن جي جنگ ۾ پاڪستان کي عظيم فتح ملي: وزيراعظم شهبازشريف

وزيراعظم شهبازشريف چيو آهي ته چئن ڏينهن جي جنگ ۾ پاڪستان کي عظيم فتح ملي، ڀارت قيامت تائين ان شڪست کي وساري نه سگهندو. جهانيان  ۾ ايم اين اي افتخار نذير جي گهر آمد بعد سياسي اڳواڻن سان ملاقات دوران ڳالهائيندي وزيراعظم چيو ته پاڪستان معاشي ۽ دفاعي ميدان ۾ وڏيون ڪاميابيون حاصل ڪيون، ڏيڍ سال ۾ ملڪ کي ڊفالٽ ٿيڻ کان بچايو. هن چيو ڪجهه مهينا اڳ الله پاڪ پاڪستان کي عظيم فتح عطا ڪئي، چئن ڏينهن جي جنگ ۾ پاڪستان کي وڏي فتح نصيب ٿي، ٽنهي هٿياربند فوجن تاريخ لکي آهي. وزيراعظم چيو ته فيلڊ مارشل جنگ کي فرنٽ تان ليڊ ڪيو، ڀارت قيامت تائين شڪست نه وساري سگهندو. شهبازشريف چيو ته مريم نواز ۽ سندس تيم عوام جي خدمت ۽ خلوص جو اعليٰ مثال قائم ڪيو آهي…………….