گڊو بئراج وٽ 24 ڪلاڪن ۾ 396 ڪيوسڪ پاڻي لاٿ رڪارڊ

گڊو بئراج وٽ سنڌو درياهه جي پاڻيءَ وهڪرن ۾ لاٿ جو سلسلو جاري آهي، گڊو بئراج وٽ 24 ڪلاڪن اندر 396 ڪيوسڪ لاٿ رڪارڊ ڪئي وئي. پاڻي ۾ لاٿ سبب گڊو بئراج مان نڪرندڙ بيگاري سنڌ فيڊر کي پاڻي فراهمي بدستور بند رکي وئي آهي، جڏهن ته بئراج مان نڪرندڙ گهوٽڪي فيڊر ۾هڪ  هزار544 ڪيوسڪ پاڻي ڇڏيو ويو. گڊو بئراج مان ڊزرٽ پٽ فيڊر ۾ به هڪ هزار 891 ڪيوسڪ پاڻي ڇڏيو ويو آهي. گڊو بئراج وٽ پاڻي جو مٿانهون 20 هزار 219 ڪيوسڪ ۽ هيٺانهون وهڪرو 16 هزار 784 ڪيوسڪ رڪارڊ ڪيو ويو آهي.