آمريڪا ۽ برطانيا وچ ۾ جلد هڪ عظيم واپاري معاهدو ٿيندو : ڊونلڊ ٽرمپ

آمريڪي صدر ڊونلڊ ٽرمپ امڪان ظاهر ڪيو آهي ته آمريڪا ۽ برطانيا وچ ۾ جلد هڪ عظيم واپاري معاهدو ٿيندو. آمريڪي صدر ڊونلڊ ٽرمپ جي برطانوي وزيراعظم سر ڪيئر اسٽارمر سان وائيٽ هائوس ۾ ملاقات ٿي، جنهن ۾ يوڪرين جنگ، نيٽو جي مڪستقبل، واپار ۽ ٽيرف بابت معاملن تي ٻولهه بولهه ٿي.، وائيٽ هائوس ۾ ٿيل ملاقات ۾ ٽرمپ سر ڪيئر اسٽارمر کي اسپيشل شخص قرار ڏنو، جڏهن ته سر ڪيئر اسٽارمر بادشاهه چارلس طرفان آمريڪي صدر ٽرمپ کي سرڪاري سطح تي برطانيا جي دوري جو دعوتنامو به ڏنو. ان موقعي تي آمريڪي صدر ٽرمپ چيو ته شاهه چارلس جي برطانيا جي دوري جي دعوت قبول ڪئي آهي، آمريڪا ۽ برطانيا وچ ۾ جلد هڪ عظيم واپاري معاهدو ٿيندو. ٽرمپ چيو ته ورس ي9وڪرين جنگ جو جلد خاتمڪو چاهي ٿو، يوڪرين سسان معدنيات جو معاهدو روس خلاف ڪيف جي سلامتي جي ضمانت آهي، يوڪرين جنتگ بندي معاهدو سڀني لاءِ مفاد ۾ آهي. آمريڪي صدر جو چوڻ هو ته يوڪرين جنگ بندي جون ڪوششون تيزيءَ سان اڳتي وڌي رهيون آهن، روس جنگ بندي معاهدو اڃا نه ٿيو ته پوءِ ڪڏهن نٿو ٿي سگهي، جيڪڏهن آئون ان وقت آمريڪي صدر هجان ها ته روس يوڪرين جنگ نه ٿئي ها. ٻئي طرف برطانوي وزيراعظم سير ڪيئر اسٽارمر چيو ته آمريڪا ۽ برطانيا وچ ۾ تاريخي ڀائراڻا لاڳاپا آهن، آمريڪي صدر جون امن بابت ڪوششون واکاڻ جوڳيون آهن، روس يوڪرين جنگ بندي جي ڪوششن ۾ آمريڪا سان گڏ آهن.