اسرائيلي فوج جا غزه تي حملا تيز ٿيڻ بعد آمريڪي صدر جوبائيڊن جا اولهه جي اهم ملڪن جي اڳواڻن سان ٽيليفونڪ رابطا

اسرائيلي فوج جا غزه تي حملا تيز ٿيڻ بعد آمريڪي صدر جوبائيڊن اولهه جي اهم ملڪن سان فون تي رابطا ڪيا. وائيٽ هائوس موجب آمريڪي صدر جوبائيڊن برطانيا، ڪينڊا، فرانس، جرمني ۽ اٽلي جي اڳواڻن سان رابطا ڪري اسرائيل فلسطين جنگ تي خيالن جي ڏي وٺ ڪئي. وائيٽ هائوس ڳالهين جا وڌيڪ تفصيل جاري نه ڪيا. ٻئي پاسي صدر بائيڊن پنهنجي پيغام ۾ چيو آهي ته اسرائيل کي پنهنجي دفاع جو حق حاصل آهي. امريڪي صدر سماجي رابطن واري ويب سائيٽ ايڪس تي هڪ پوسٽ ۾ چيو ته اسرائيلين جي حفاظت لاءِ اسرائيل کي گھربل سموريون ضرورتون پوريون ڪرڻ کي يقيني بڻائيندا.