اسرائيلي فوج جي بربريت جاري، غزا جي مختلف علائقن ۾ اسرائيلي بمباري ۾ يو اين جي 6 اهلڪارن سميت وڌيڪ 17 ڄڻا شهيد

غزا ۾ اسرائيلي فوج جي بربريت جاري آهي، غزا جي مختلف علائقن ۾ اسرائيلي بمباري ۾ يو اين جي 6 اهلڪارن سميت وڌيڪ 17 ڄڻا شهيد ٿي ويا. پرڏيهي ميڊيا موجب گڏيل قومن جي اسڪول تي اسرائيلي فوج جي بمباري ۾ 6 اهلڪار شهيد ٿي ويا. اولهندي ڪناري ۾ اسرائيلي فوج جي حملن ۾ وڌيڪ 6 فلسطيني شهيد ٿي ويا، طوهاس شهر ۾ رهائشي عمارت تي فضائي حملي ۾ 5 شهرين شهادت ماڻي اولهندي ڪناري ۾ اسرائيلي فوج گشت ڪري رهي آهي، اسرائيلي فوج اردن سان لڳولڳ سرحد بند ڪري ڇڏي آهي. گڏيل قومن جي ايجنسي انروا چيو آهي ته وچ غزا ۾ گڏيل قومن جي ماتحت هڪ اسڪول تي اسرائيلي حملي ۾ ايجنسي جا 6 اهلڪار شهيد ٿي ويا. انروا جو چوڻ آهي ته هڪ ئي حملي ۾ 6 اهلڪارن جي شهادت غزا ۾ اسرائيلي جنگ جي شروعات کان هيل تائين ڪنهن به حملي ۾ شهيد ٿيندڙ اهلڪارن مان سڀ کان وڌيڪ آهي.