اسرائيلي فوج جي هٿين خالي فلسطنين مٿان وحشياڻي بمباري جاري,وڌيڪ 50 ڄڻا شهيد ۽ 60 کان مٿي زخمي ٿي پيا

اسرائيلي فوج جي هٿين خالي فلسطنين مٿان وحشياڻي بمباري جاري آهي، گذريل 24 ڪلاڪن دوران غزه تي دهشتگرد حملن ۾ وڌيڪ 50 ڄڻا شهيد ۽ 60 کان مٿي زخمي ٿي پيا. عرب ميڊيا جو چوڻ آهي ته المواسي ڪيمپ تي حملي کانپوءِ باهه لڳي وئي جنهن سبب 10 ڄڻا اجل جو شڪار ٿي ويا. عرب ميڊيا جي رپورٽ موجب، ڪمال عدوان اسپتال تي به اسرائيلي فوج حملو ڪري مريضن ۽ پناهگيرن کي عمارت اندر يرغمال بڻائي ڇڏيو آهي جڏهن ته اسپتال کي فوري طور خالي نه ڪرڻ تي ڌماڪي سان اڏائڻ جي ڌمڪي به ڏني وئي. عرب ميڊيا موجب، جباليه، البريج، خان يونس غزه سٽي تي به حملا ٿيا ويا جنهن ۾ 25 ڄڻن شهادت جو جام پيتو. عرب ميڊيا جو وڌيڪ چوڻ آحي ته غزه ۾ هن تائين اسرائيلي حملن ۾ شهيد ٿين جو مجموعي انگ 45 هزار 259 ٿي ويو جڏهن هڪ لک 7 هزار 627 ماڻهو زخمي ٿي چڪا آهن..