اسرائيل جي غزا ۾ نسل ڪشي مهم جاري آهي، هوائي حملن ۾ وڌيڪ 40 فلسطيني شهيد ٿي ويا

اسرائيل جي غزا ۾ نسل ڪشي مهم جاري آهي، هوائي حملن ۾ وڌيڪ 40 فلسطيني شهيد ٿي ويا. اتر غزا ۾ بيت لاهيا ڪيمپ تي بمباري سبب 7 فلسطيني پناهگير شهيد ٿي ويا. اتر غزا جو 18هين ڏينهن به گهيراءُ برقرار آهي جڏهن ته خوراڪ ۽ پاڻي  جي فراهمي بند آهي. ڏکڻ غزا ۾ ڪلينڪ تي اسرائيلي بمباري سبب 4 ڄڻن شهادت ماڻي، اولهندي ڪناري ۾ يهودي فورسز فائرنگ ڪري 11 ورهين جو نينگر شهيد ڪري ڇڏيو. عرب ميڊيا جو چوڻ آهي ته  غزا ۾ 48 ڪلاڪن دوران 115 فلسطيني شهيد ٿي ويا جڏهن ته 487 زخمي ٿي پيا.