ڊونلڊ ٽرمپ آمريڪي صدارتي چونڊ ۾ کٽڻ جي اڳڪٿي

امريڪا جي اڳوڻي صدر ڊونلڊ ٽرمپ بابت اڳڪٿيون ڪندڙ پنج اهم ادارن دعوى ڪئي آهي ته ٽرمپ هڪ ڀيرو ٻيهر صدر چونڊجي ويندو. امريڪا اخبار موجب، نومبر ۾ ٿيندڙ صدارتي اليڪشن ۾ مقابلو سخت هوندو، ڊونلڊ ٽرمپ جي ڪاميابي جا امڪان 51 سيڪڙو جڏهن ته ڪاملا هيرس جي کٽڻ جا امڪان 49 سيڪڙو آهن. دعوى ڪئي وئي آهي ته صدارتي اميدوار جي نامزدگي کانپوءِ ڪاملا هيرس پنهنجي مقبوليت وڃائي رهي آهي، ڏکڻ ۽ سن بيلٽ رياستن ۾ ڪاملا هيرس جي پوزيشن آهستي آهستي ڪمزور ٿيڻ شروع ٿي وئي آهي. داهل جي سروي موجب، ڊونلڊ ٽرمپ جي کٽڻ جا امڪان 52 سيڪڙو ۽ ڪاملا هيرس جي کٽڻ جا امڪان 48 سيڪڙو ظاهر ڪيا ويا آهن. اڪانومسٽ موجب، ٽرمپ جي کٽڻ جا امڪان 54 سيڪڙو آهن. واضع رهي ته 2016 ۾ به هيلري ڪلنٽن پاپولر ووٽ کٽي وئي هئي جڏهن ته ڊونلڊ ٽرمپ اليڪٽرول ڪالج جا 270 ووٽ کڻي صدر ٿيڻ ۾ ڪامياب ٿي ويو هو.