اسلام آباد ۾ جديد آءِ ٽي پارڪ ذريعي سموري ملڪ کي فائدو ٿيندو: وزيراعظم شهبازشريف

وزيراعظم شهبازشريف چيو آهي ته اسلام آباد ۾ جديد آءِ ٽي پارڪ ذريعي سموري ملڪ کي فائدو ٿيندو. وزيراعظم اڏاوت هيٺ آءِ ٽي پارڪ جو دورو ڪيو، جنهن دوران کيس بريفنگ ڏني وئي. ان موقعي تي ڳالهائيندي شهبازشريف چيو ته پهرين آءِ ٽي پارڪ جي اڏاوت سان سڄي ملڪ کي فائدو ٿيندو ۽ جديد ٽيڪنالاجي سان  نوجوانن کي هنر جا بهترين موقعا ملندا. هن چيو ته پنجاب جي وڏي وزير طور هن ترقياتي منصوبن تي 24 ڪلاڪ ڪم جو نظام متعارف ڪرايو، پاڪستان کي ترقيءَ جي بلندين تي پهچائڻو آهي. وزيراعظم چيو ته آءِ ٽي پارڪ جي تعمير تي 25 ارب رپيا خرچ ٿيندا، ستر سيڪڙو لاڳت ڏکڻ ڪوريا جي حڪومت ڏيندي، 8 فيبروري جي اليڪشن بعد حڪومت آءِ ٽي پارڪ جي منصوبي بابت گڏجاڻي ڪئي،. شهبازشريف چيو ته آءِ ٽي پارڪ ۾ تحقيق ۽ ترقي لاءِ آءِ ٽي ليبارٽيريون به قائم ڪيون وينديون، ملڪ ۾ هڪ هزار ايِ روزگار سينٽر به قائم ڪيا ويندا، جنهن سان روزگار جا موقعا پيدا ٿيندا