اليڪشن ڪميشن عام چونڊن لاءِ نامزدگي ڪاغذ جمع ڪرائڻ بابت تفصيل جاري

اليڪشن ڪميشن موجب، قومي اسيمبلي لاءِ سڄي ملڪ مان 7 هزار 473 اميدوارن نامزدگي ڪاغذ جمع ڪرايا جن مان هڪ هزار 24 اميدوارن جا فارم رد ٿيا. اليڪشن ڪميشن جو چوڻ آهي ته قومي اسيمبلي اليڪشن لاءِ 6 هزار 449 اميدوارن جا نامزدگي ڪاغذ منظور ڪيا ويا. سڄي ملڪ ۾ رٽرننگ آفيسرن طرفان منظور ڪيل نامزدگي ڪاغذن جا تفصيل جاري ڪيا ويا آهن. قومي ۽ صوبائي اسيمبلين جي جنرل سيٽن لاءِ جمع ڪرايل 24 هزار 698 نامزدگي ڪاغذن مان 22 هزار 711 منظور ڪيا ويا جڏهن ته 3 هزار 240 نامزدگي ڪاغذ رد ڪيا ويا. پنجاب مان قومي اسيمبلي جا 521، اسلام آباد 93 ۽ سنڌ مان 166 اميدوارن جا نامزدگي ڪاغذ رد ڪيا ويا. خيبرپختونخوا مان قومي اسيمبلي جي سيٽن تي 152 ۽ بلوچستان مان 92 سيٽن تي اميدوارن جا ڪاغذ رد ٿيا. پنجاب اسيمبلي مان 943، سنڌ اسيمبلي 520، خيبرپختونخوا اسيمبلي 367 ۽ بلوچستان مان 386 اميدوارن جا نامزدگي ڪاغذ رد ٿيا. قومي ۽ صوبائي اسيمبلين جي جنرل سيٽن تي 252 عورتن جا نامزدگي ڪاغذ رد ٿيا………