امريڪي صدر ۽ برطانوي وزيراعظم وچ ۾ ملاقات ، روس يوڪرين جنگ سميت ٻين اهم معاملن تي ڳالهيون

امريڪي صدر جوبائيڊن ۽ برطانوي وزيراعظم سر ڪيئر اسٽارمر وچ ۾ ملاقات ٿي آهي جنهن دوران روس يوڪرين جنگ سميت ٻين اهم معاملن تي ڳالهيون ڪيون ويون. برطانوي وزيراعظم سر ڪيئر اسٽارمر وائٽ هائوس ۾ امريڪي صدر جوبائيڊن سان ملاقات ڪئي. برطانوي وزيراعظم امريڪي صدر سان ون آن ون ۽ وفد جي سطح تي ملاقات ڪئي جنهن دوران روس يوڪرين جنگ سميت ٻين عالمي معاملا غور هيٺ آيا. ان موقعي تي صدر بائيڊن جو چوڻ هو ته روس جو صدر ولاديمير پيوٽن يوڪرين جنگ ڪڏهن به نه کٽي سگھندو، هو روسي صدر  بابت وڌيڪ ناهي سوچيندو. ان موقعي تي برطانيه جي وزيراعظم ڪيئر اسٽارمر جو چوڻ هو ته امريڪا سان خاص لاڳاپن کي وڌيڪ مضبوط ڪيو ويندو. ڪيئر اسٽارمر موجب، يوڪرين جنگ بابت ايندڙ ڪجهه هفتا ۽ مهينا اهم ٿي سگھن ٿا.