ام رباب چانڊيو، جنيوا ڪانفرنس ۾ عدالت کان مٿڀري قتل ۽ پاڪستان جي انصاف واري نظام ۾ غير ضروري دير خلاف آواز اٿاريو

ميهڙ واقعي جي متاثر سنڌ جي نياڻي ام رباب چانڊيو، جنيوا ڪانفرنس ۾ عدالت کان مٿڀري قتل ۽ پاڪستان جي انصاف واري نظام ۾ غير ضروري دير خلاف آواز اٿاريو. جنيوا جڊيشل ڪانفرنس هڪ اهم عالمي تقريب  آهي، جتي سڄي دنيا مان قانوني ماهر، جج، اسڪالر عالمي قانوني نظام ۽ عدالتي قانوني نظام توڙي عدالتي چئلينجن تي خيالن جي ڏي وٺ لاءِ گڏ ٿيندا آهن. سوئٽزرلينڊ ۾ ٿيندڙ هيءَ ڪانفرنس قانون جي حڪمراني، انساني حقن ۽ عدالتي سڌارن بابت خيالن جي ڏي وٺ لاءِ اهم پليٽ فارم فراهم ڪندي آهي.