ايف بي آر جي ٽيڪس هدف حاصل ڪرڻ ۾ ناڪامي کانپوءِ پاڪستان تي آءِ ايم ايف جو دٻاءُ وڌڻ جا خدشا آهن

فيڊرل بورڊ آف روينيو (ايف بي آر) جي ٽيڪس هدف حاصل ڪرڻ ۾ ناڪامي کانپوءِ پاڪستان تي آءِ ايم ايف جو دٻاءُ وڌڻ جا خدشا آهن. آءِ ايم ايف آگسٽ ۾ 898 ارب رپين جي ٽيڪس وصولي جو هدف ڏنو هو، جڏهن ته ايف بي آر 30 آگسٽ تائين 790 ارب رپيا ٽيڪس گڏ ڪري ورتو، آگسٽ ۾ ٽيڪس ٽارگيٽ ۾ 100 ارب کان وڌيڪ جو شارٽ فال آهي. ذريعن جو چوڻ آهي ته روينيو شارٽ فال سبب آءِ ايم ايف جي ايگزيڪيوٽو بورڊ کان قرض جي منظوري ۾ وڌيڪ ڏکيائيون پيش اينديون، شارٽ فال سبب ايف بي آر کي ايندڙ مهيني 1250 ارب رپين جي لڳ ڀڳ هدف ملندو. ذريعن جو وڌيڪ چوڻ آهي ته شارٽ فال پورو نه ٿيڻ جي صورت ۾ حڪومت کي مني بجيٽ آڻڻ جي تجويز ڏني ويندي. وزيراعظم ناڻي واري وزير ۽ ايف بي آر جي چيئرمين کان شارٽ فال تي رپورٽ طلب ڪري ورتي.