اڳوڻي صدر عارف علويءَ پي ٽي آءِ بانيءَ جي 1971ع بابت ٽوئٽ جي حمايت ڪئي

اڳوڻي صدر عارف علويءَ پي ٽي آءِ بانيءَ جي 1971ع بابت ٽوئٽ جي حمايت ڪئي آهي. ڪراچيءَ ۾ وڪيل ڪنويشن کي خطاب ڪندي ڊاڪٽر عارف علوي چيو ته پي ٽي آءِ بانيءَ حمود الرحمان ڪميشن رپورٽ پڙهڻ جي صلاح ڏني ته ان ۾ ڪهڙي غداري آهي؟ هن چيو ته  ذهن ۾ هڪ نظريو بڻايو ويو آهي، جنهن تحت ڪنهن کي به غدار قرار ڏنو وڃي  ٿو. اڳوڻي صدر چيو ته حمود الرحمان ڪميشن جي رپورٽ جيڪو به پڙهي ٿو ان تي ڪيس داخل ٿي وڃي ٿو. ڊاڪٽر عارف علوي چيو ته پي ٽي آءِ بانيءَ حمود الرحمان ڪميشن رپورٽ پڙهڻ لاءِ چيو ته ان ۾ غلط ڇا آهي؟ حمود الرحمان ديانتدار جج هو ۽ سندس پٽ به اڄ فيڊرل شريعت ڪورٽ جو جج آهي. اڳوڻي صدر چيو ته دهشتگردن کي پڪڙڻ واري قانون تحت کين پڪڙيو پيو وڃي، سزا ۽ جزا نه هجي ته اهڙو قانون  بيڪار آهي. ڊاڪٽر عارف علوي چيو ته ڪجهه ماڻهو نوجوانن جا ٺيڪيدار بڻيل آهن، هو جڏهن ته صدر هو ته مٿس بندوقون  سپلاءِ ڪرڻ جو الزام مڙهيو ويو……….