بائيڊن انتظاميا کي خدشو آهي ته ايران ايٽمي هٿيار ٺاهي سگھي ٿو:جيڪ سليوان

امريڪي قومي سلامتي جي صلاحڪار جيڪ سليوان چيو آهي ته بائيڊن انتظاميا کي خدشو آهي ته ايران ايٽمي هٿيار ٺاهي سگھي ٿو، ڊونلڊ ٽرمپ جي ٽيم کي ايران جي ايٽمي هٿيارن جي خطري کان آگاهه ڪيو آهي. واشنگٽن ۾ ڳالهائيندي امريڪي قومي سلامتي جي صلاحڪار جو چوڻ هو ته صدر بشار الاسد جي زوال سان ايران جي علائقائي اثر کي ڌچڪو لڳو آهي. جيڪ سليوان جو چوڻ هو ته ايران چوي ٿو ته سندن ايٽمي پروگرام پر امن آهي، ايران يورينيم جي افزودگي وڌائي آهي، خدشو آهي ته ايران ايٽمي هٿيار نه ٺاهڻ واري واعدي تان پوئتي هٽي ويندو. هن چيو ته اسرائيل جي ايراني ٿاڪن کي نشانو بڻائڻ سان جوهري هٿيار ٺاهڻ جي صلاحيت گھٽ ٿي، ايران جي ڪمزور پوزيشن ڊونلڊ ٽرمپ کي تهران سان سفارتڪاري ۾ مددگار ثابت ٿيندي