صدر آصف علي زرداري ۽ وزيراعظم شهباز شريف قوم کي مبارڪ

صدر آصف علي زرداري ۽ وزيراعظم شهباز شريف ڏکڻ آفريڪا کي ون ڊي سيريز ۾ وائيٽ واش ڪرڻ تي قومي ٽيم کي مبارڪباد ڏني آهي. صدر آصف علي زرداري پنهنجي پيغام ۾ چيو ته پاڪستان ڪرڪيٽ ٽيم پوري سيريز دوران سٺي ڪارڪردگي ڏيکاري، اميد آهي ته پاڪستان ڪرڪيٽ ٽيم مستقبل ۾ به سٺي ڪارڪردگي ڏيکاريندي. ٻئي طرف وزيراعظم شهباز شريف به ڏکڻ آفريڪا خلاف ون ڊي سيريز ۾ شاندار فتح تي قومي ڪرڪيٽ ٽيم کي خراج تحسين پيش ڪندي چيو ته قومي ٽيم سيريز دوران بهترين راند جو مظاهرو ڪندي سمورا ميچ کٽي ورتا. وزيراعظم پاڪستان ڪرڪيٽ بورڊ جي چيئرمين محسن نقوي ۽ ٽيم انتظاميا جي ڪارڪردگي کي ساراهيو ۽ اميد ڪئي ته ڪاميابين جو اهو سلسلو مستقبل ۾ به جاري رهندو.