بلاول ڀٽو زرداري طرفان مخالف ڌر کي معاشي بحران جي خاتمي لاءِ گڏجي ويهڻ جي دعوت

پ پ چيئرمين بلاول ڀٽو زرداري طرفان مخالف ڌر کي معاشي بحران جي خاتمي لاءِ گڏجي ويهڻ جي دعوت، سندس چوڻ آهي ته  پارليامينٽ ڪمزور ٿيڻ سان جمهوري نظام ڪمزور ٿيندو، پي ٽي آءِ باني جي روايتن کي هاڻي ختم ٿيڻ گهرجي، جيڪڏهن ڪنهن کي وزيراعظم قبول ناهي ته تنقيد نه ٿو ڪري سگهي، سياسي پارٽين کي ووٽ رڳو ايوان ۾ گوڙ ڪرڻ لاءِ نه مليا آهن،  فارم 45 يا 47 نه پر ڪارڪنن جي قربانين سان پارليامينٽ ۾ پهتا آهن، پاڪستاني معيشيت ۽ جمهوريت کي بچائڻو آهي،  کين ووٽ ملڪ کي معاشي بحران مان ڪڍڻ لاءِ مليا آهن، پي ٽي آءِ مخصوص سيٽون ملڻ باوجود پ پ کانسواءِ حڪومت نه ٿي ٺاهي سگهي، ورهايل مئنڊيٽ سبب هڪ پارٽي فيصلو نه ڪري سگهندي، ملڪ کي معاشي مسئلن مان ڪڍڻ لاءِ سڀني کي گڏ ويهڻو پوندو، نوجوانن جو مستقبل روشن ڪرڻ لاءِ قربانيون ڏيڻيون پونديون، برزگ سياستدانن کي پارليامينٽ جي مضبوطي لاءِ فيصلا ڪرڻ گهرجن، جمهوري ادارن کي طاقتور بڻائڻ لاءِ عوام طاقتور ٿيندو.