بلوچستان جي نگران وڏي وزير مير علي مرادن ڊومڪيءَ عهدي جو قسم کڻي ورتو

بلوچستان جي نگران وڏي وزير مير علي مرادن ڊومڪيءَ عهدي جو قسم کڻي ورتو.

نگران وڏي وزير جي قسم کڻڻ واري تقريب گورنر هائوس ۾ ٿي، جنهن اڳوڻي وڏي وزير ڄام ڪمال، اڳوڻن صوبائي وزيرن ۽ ٻين شرڪت ڪئي.

گورنر عبدالولي ڪاڪڙ، نگران وڏي وزير                   مير علي مرادن ڊومڪيءَ کي عهدي جو قسم کڻايو.

مير علي مردان ڊومڪي جو تعلق بلوچستان جي علائقي لهڙي سان آهي  ۽ هو اڳوڻي سينيٽر مير حضور بخش ڊومڪي جو پٽ آهي.

علي مردان ڊومڪي 13 آڪٽوبر 1972ع تي پيدا ٿيو، سندس والد 1975ع کان 1977ع تائين سينيٽر رهيو. علي مردان ڊومڪيءَ علامه اقبال يونيورسٽي اسلام آباد مان سوشيالاجي ۾ ماسٽرز ڪئي ۽ هو ضلعي ۽ تعلقي ناظم به رهي چڪو آهي.