تحريڪ انصاف طرفان اسٽيبلشمينٽ سان اعليٰ سطحي رابطن جي تصديق ڪئي وئي

تحريڪ انصاف طرفان اسٽيبلشمينٽ سان اعليٰ سطحي رابطن جي تصديق ڪئي وئي آهي، پي ٽي آءِ چيئرمين بئريسٽر گوهر جو چوڻ آهي ته آرمي چيف جنرل عاصم منير سان پشاور ۾ ملاقات ڪئي آهي، جيڪڏهن ڪي ڳالهيون شروع ٿيون آهن ته سٺو سنوڻ آهي. اڊيالا جيل جي عدالتي ڪمري ۾ صحافين سان ڳالهائيندي بئريسٽر گوهر چيو ته هن ۽ علي امين گنڊاپور جي آرمي چيف سان ڌار ڌار ملاقات ٿي. سندس چوڻ هو ته ملاقات ۾ پنهنجا سمورا مسئلا آرمي چيف اڳيان رکيا ۽ ملڪي استحڪام بابت سمورن معاملن تي ڳالهيون ٿيون. پي ٽي آءِ چيئرمين بئريسٽر گوهر چيو ته اميد آهي هاڻي صورتحال بهتر ٿي ويندي، ملاقات ۾ ٻئي پاسي کان به هاڪاري جواب مليو آهي.