امريڪي پرڏيهي کاتي جي ترجمان ميٿو ملر چيو آهي ته توانائي بحران کي منهن ڏيڻ لاءِ پاڪستان جي مدد ڪرڻ امريڪا جي ترجيح آهي.
پريس بريفنگ دوران ميٿو ملر جو چوڻ هو ته پاڪستان ۾ تقريبن 4 هزار ميگا واٽ توانائي جي پيداوار ۾ مدد ڪئي، سندن منصوبن ملڪ ۾ بجلي جي صلاحيت ۾ وڏو اضافو ڪيو.
امريڪي پرڏيهي کاتي جي ترجمان جو چوڻ هو ته اڄ لکين پاڪستانين جي گهرن ۾ بجلي آهي، امريڪا ۽ پاڪستان ۾ اضافي طور تي گرين پروگرام کي اڳتي وڌايو آهي.
ميٿو ملر جو چوڻ هو ته ماحولياتي چيلينجز ۽ خاص طور تي واٽر مينيجمينٽ تي گڏجي ڪم ڪري رهيا آهن، موسمياتي تبديلين کان پاڪ زراعت ۽ قابل استعمال توانائي تي به ڪم جاري آهي.