جنگي جنون ۾ ورتل اسرائيل جون قهري ڪارروايون جاري آهن، شهيد فلسطينن جو انگ 43 سئو کان وڌي ويو

جنگي جنون ۾ ورتل اسرائيل جون قهري ڪارروايون جاري آهن، شهيد فلسطينن جو انگ 43 سئو کان وڌي ويو. ميڊيا رپورٽن موجب اسرائيل شهري آبادين، اسپتالن ۽ عبادت گاهن  تي به حملا ڪيا، هڪ گرجا  گهر تي به بمباري جي نتيجي ۾ پناهه وٺندڙ 10فلسطيني شهيد ٿي ويا. اسرائيلي حملن ۾ 15 سئو ٻارڙن سميت شهيد فلسطينن جو انگ 4 هزار 3 سئو کان وڌي ويو، جڏهن ته  14 هزار شهري زخمي ٿي پيا. اسرائيلي فوج طرفان شيبا فارمز ڀرسان لبنان تي به بمباري ڪئي. حماس اڳواڻ اسماعيل هنيه خبردار ڪيو آهي ته اسرائيلي جارحيت سبب تڪرار علائقائي جنگ ۾ تبديل ٿي سگهي ٿو ۽ اهڙي صورت ۾ اسرائيل ۽ ان حامين جي هٿن مان نڪري ويندو.