حڪومت نه پئي چاهي ته ڳالهيون ٿين ۽ حل نڪري : بئريسٽر گوهر خان

تحريڪ انصاف جي چيئرمين بئريسٽر گوهر خان چيو آهي ته حڪومت نه پئي چاهي ته ڳالهيون ٿين ۽ حل نڪري، تحريڪ انصاف پنهنجا مطالبا حڪومت اڳيان رکيا، حڪومت سنجيده هجي ها ته جواب ڏئي ها، حڪومت چيو ته 28 جنوري تي ڪميٽي روم ۾ جواب ڏنو ويندو. اسلام آباد ۾ ميڊيا سان ڳالهائيندي بئريسٽر گوهر خان چيو ته تحريڪ انصاف عدالتي ڪميشن قائم ڪرڻ جو چيو هو ته حڪومت جواب نه ڏنو. سندن چوڻ هو ته هنن مٿان هر قسم جون سختيون ڪيون ويون ان باوجود تحريڪ انصاف باني ڳالهين جي شروعات ڪئي، آرمي چيف جنرل عاصم منير کانسواءِ ڪنهن سان ملاقات ناهي ٿي. تحريڪ انصاف جي چيئرمين بئريسٽر گوهر خان چيو ته حڪومت پهريان جواب شيئر ڪري ها ته ان تي غور ڪري وٺن ها، حڪومت نه پئي چاهي ته ڳالهيون ٿين ۽ حل نڪري.