حڪومت پاران 4 سالن لاءِ ملڪ ۾ تعليمي ايمرجنسي لڳائڻ جو فيصلو

وزيراعظم شهباز شريف اڄ سڄي ملڪ ۾ تعليمي ايمرجنسي لاڳو ڪرڻ جو اعلان ڪندو. حڪومت 4 سالن لاءِ ملڪ ۾ تعليمي ايمرجنسي لاڳو ڪرڻ جو فيصلو ڪيو آهي، ان حوالي سان اڄ اسلام آباد ۾ خصوصي ڪانفرنس ٿيندي، جنهن ۾ چئني وڏن وزيرن ۽ تعليم وارا وزير شرڪت ڪندا. خصوصي ڪانفرنس ۾ وزيراعظم شهباز شريف سڄي ملڪ ۾ تعليمي ايمرجنسي لاڳو ڪرڻ جو باضابطا اعلان ڪندو، گلگت بلتستان ۽ آزاد ڪشمير ۾ به تعليمي ايمرجنسي لاڳو ڪئي ويندي. ياد رهي ته پاڪستان ۾ 26 لک کان وڌيڪ ٻار اسڪولن کان ٻاهر آهن، حڪومت ان انگ کي 4 سالن ۾ گهٽائي 9 لک ڪرڻ جو هدف مقرر ڪيو آهي.