خانپور: ڀاڳين ۽ چورن وچ ۾ فائرنگ،هڪ ڏوهاري مارجي ويو، هڪ زخمي

خانپور ۾ چوري واردات دوران ڀاڳيا جاڳي پيا، فائرنگ جي وٽ ۾ هڪ ڏوهاري مارجي ويو ۽ هڪ زخمي ٿي پيو. ڳوٺ حيات بروهي ۾ چور گهر ۾ داخل ٿي چوپايو مال چوري ڪري رهيا هئا ته ڀاڳيا جاڳي پيا ته چورن ۽ ڀاڳين ۾ مقابلو ٿي پيو. ڀاڳين جي فائرنگ ۾ هڪ ڏوهاري غلام حيدر مارجي ويو ۽ هڪ  زخمي ٿي پيو. اطلاع تي  پوليس واقعي واري هنڌ پهچي مارجي ويل ڏوهاري جو لاش کڻائي اسپتال منتقل ڪيو. پوليس جو چوڻ آهي ته ڀاڳين ۽ چورن وچ ۾ فائرنگ جي ڏي وٺ ۾ هڪ ڏوهاري مارجي ويو آهي ۽ هڪ زخمي ٿي پيو آهي، وڌيڪ جاچ ڪئي پئي وڃي.