خواجا آصف ٽيڪس، بجلي ۽ گيس چورن کي دهشتگرد قرار ڏيڻ جو مطالبو ڪري ڇڏيو

اڳوڻي وفاقي وزير ۽ ن ليگ اڳواڻ خواجا آصف ٽيڪس، بجلي ۽ گيس چورن کي دهشتگرد قرار ڏيڻ جو مطالبو ڪيو آهي.

پنهنجي جاري ڪيل بيان ۾ خواجا آصف چيو آهي ته هن وقت تقريبن 26  سئو 70 ارب ٽيڪس هن وقت 2670 ارب رپين جا رڳو ٽيڪس جا ڪيس عدالتن ۾ پيل آهن، هر سال اربين رپين جي ٽيڪس، بجلي ۽ گيس چوري ٿئي ٿي جنهن جو بار عام ماڻهوءَ مٿان پوندو آهي.

هن چيو ته ملڪ قرضن جي ڄار ۾ ڦاٿل آهي، ڏيوالي جي ويجهو پهتل آهي، ٽيڪس، بجلي ۽ گيس چورن کي دهشتگرد قرار ڏنو وڃي.

هن چيو ته جيڪي حڪومت ملازم چورن جي معاونت ڪن ٿا اهي به معاشي دهشتگرد آهن کين سخت سزائون نه ڏنيون ويون ته معاشي تباهي ملڪ جو مقدر بڻجي ويندي.