- Advertisement -
خيبرپختونخوا جي ضلعي خيبر ۾ سڪيورٽي فورسز جي ڪارروائي دوران 4 دهشتگرد مارجي ويا.
آءِ ايس پي آر طرفان جاري ڪيل بيان ۾ چيو ويو ته سڪيورٽي فورسز خيبر ضلعي ۾ دهشتگردجي موجودگيءَ جي اطلاع تي آپريش ڪيون.
آپريشن دوران سڪيورٽي فورسز ۽ دهشتگردن وچ ۾ فائرنگ جي ڏي وٺ ٿي، جنهن دوران چار دهشتگرد مارجي ويا.
آءِ ايس پي آر موجب مارجي ويل دهشتگردن ۾ خطرناڪ دهشتگرد قاري واجد عرف قاري بريال ۽ رزاق به شامل آهن.
پاڪ فوج جي ترجمان چيو ته مارجي ويل دهشتگردن وٽان هٿيار ۽ بارودي مواد هٿ ڪيو ويو آهي.
آءِ ايس پي آر موجب مقامي ماڻهن سڪيورٽي فورسز جي ڪارروائي جي واکاڻ ڪئي،پاڪ فوج ملڪ مان دهشتگردي جي لعنت کي ختم ڪرڻ لاءِ پرعزم آهي.- Advertisement -
