- Advertisement -
خيبرپختونخوا ۾ سڪيورٽي فورسز جي ٽن مختلف ڪاررواين دوران 13 دهشتگرد مارجي ويا ۽ پاڪ فوج جو هڪ ميجر بهادريءَ سان وڙهندي شهيد ٿي ويو.
آءِ ايس پي آر طرفان جاري ڪيل بيان ۾ چيو ويو ته ڪي پي جي مختلف علائقن ۾ سڪيورٽي فورسز ٽي مختلف ڪارروايون ڪيون.
25 ۽ 26 ڊسمبر تي سڪيورٽي فورسز بنون جي علائقي جاني خيل ۾ آپريشن ڪيون، جنهن دوران 2 دهشتگرد مارجي ويا.
اتر وزيرستان ۾ به فورسز آپريشن ڪيو، جنهن دوران فائرنگ ڏي وٺ ٿي، جنهن سبب 5 دهشتگردي مارجي ويا ۽ 8 زخمي ٿي پيا.
آءِ ايس پي آر موجب ڪارروائي دوران دهشتگردن جو بهادريءَ سان مقابلو ڪندي 33 ورهين جو ميجر محمد اويس شهادت ماڻي، سندس تعلق ناروال سان هو ۽ هن ڏهن ورهين تائين وطن جي دفاع جو فرض نڀايو.
آءِ ايس پي آر موجب ڏکڻ وزيرستان ۾ ڪارروائي دوران 6 دهشتگرد مارجي ويا ۽ 8 زخمي ٿي پيا، دهشتگردن جي موجودگيءَ جي خدشي سبب علائقي ۾ ڪليئرنس آپريشن ڪيو ويو.
پاڪ فوج جي ترجمان چيو ته سڪيورٽي فورسز ملڪ مان دهشتگردي جي لعنت کي پاڙان پٽڻ لاءِ پرعزم آهن، بهادر جوانن جون قربانيون سندن عزم کي وڌيڪ مضبوط ڪن ٿيون………- Advertisement -
