دادو ۾ مبينا ڪرنٽ لڳڻ سبب عورت تڙپي تڙپي فوت

دادو ۾ مبينا ڪرنٽ لڳڻ سبب عورت تڙپي تڙپي فوت ٿي وئي جڏهن ته وارثن طرفان مڙس تي قتل جو شڪ ظاهر ڪيو ويو آهي. ڳوٺ ورايو پنهور ۾ صدوري زال ميرل پنهور مبينا طور ڪرنٽ لڳڻ سبب بيهوش ٿي وئي. صدوري پنهور کي بيهوشي واري حالت ۾ سول اسپتال پهچايو ويو جتي ڊيوٽي ڊاڪٽر سندس فوت ٿيڻ جي تصديق ڪئي. صدوري پنهور جي والد غلام رسول پنهور نياڻي کي قتل ڪرڻ جو شڪ ظاهر ڪري ڇڏيو. عورت جي والد غلام رسول پنهور الزام هڻندي چيو ته سندس نياڻي کي مڙس ميرل پنهور قتل ڪيو آهي معاملي جي جاچ ڪرائي انصاف ڪيو وڃي. ميرل پنهور چيو ته سندس مٿان لڳايل الزام بي بنياد آهن، گهرواري موٽر مان ڪرنٽ لڳڻ سبب فوت ٿي وئي آهي. پوليس جو چوڻ آهي ته پوسٽ مارٽم رپورٽ بعد اصل حقيقت سامهون اچي ويندي وڌيڪ جاچ ڪئي پئي وڃي………