درياخان مري: پرياڪماري جي بازيابي لاءِ جي ڊبليو سي پاران احتجاجي ريلي

دريا خان مري ۾ جرنلسٽس، رائيٽرس، سول سوسائٽي فار ٽرٿ، پيس اينڊ جسٽس پاران سنگرار واسڻ نينگري پريا ڪماريءَ جي بازيابيءَ لاءِ احتجاجي ريلي ڪڍي مظاهرو ڪيو ويو. جي ڊبليو سي جي مرڪزي جنرل سيڪريٽري ذوالفقار خاصخيلي، ضلعي صدر راڻا شير محمد ۽ ٻين جي اڳواڻيءَ ۾ نصرت واهه کان پريس ڪلب تائين احتجاجي ريلي ڪڍي مظاهرو ڪري نعريبازي ڪئي وئي. احتجاجي ريلي ۾ سياسي سماجي اڳواڻن، صحافين، شهرين ۽ ٻين وڏي انگ ۾ شرڪت ڪئي. احتجاج ڪندڙن ميڊيا سان ڳالهائيندي چيو ته سنگرار واري علائقي مان ڏهين محرم تي سبيل هلائڻ دوران نينگري پريا ڪماري کي اغوا ڪيو ويو هو. هنن چيو ته اڍائي سالن کان وڌيڪ عرصو گذرڻ باوجود پوليس نينگري پريا ڪماري کي بازياب ڪرائي سگهي. سندن چوڻ هو ته نينگري پريا ڪماري جي بازياب نه ٿيڻ سبب سندس گهرڀاتي توڙي باشعور عوام سخت پريشان آهي. احتجاج ڪندڙن اعليٰ اختيارين کان مطالبو ڪيو ته نينگري پريا ڪماري کي جلد بازياب ڪرائي بيچيني ختم ڪئي وڃي ٻي صورت ۾ احتجاجي تحريڪ جاري رهندي………